मेरो उत्तर– वास्तवमा जीवन खुद आफैमा एउटा उद्देश्य हो । जीवनको दोस्रो अर्को कुनै लक्ष्य/उद्देश्य छैन । बरु जीवनलाई– सद्विचार, सद्बुद्धि, सत्कर्म, सद्ज्ञान, सद्आचरण, सद्आनन्द र सद्भावसहित जिउनु भने महत्त्वपूर्ण पक्ष हो । जीवन नदीजस्तै हो, कुनै उद्देश्यबिना सतत सलल बगिरहने, बगिरहने । कुनैएउटा फल/फुलको बिरुवाको के उद्देश्य हुन्छ? कस्मिकइनर्जीद्धारा आफै वृद्धि हुन्छ, ठुलो हुन्छ, फुल्छ, फल्छ, झर्छ बास । कुनै उद्देश्य हुन्छ ?
गौतमबुद्धलाई उतिबेला तपाईँको जीवनको उद्देश्य के हो भनेर कसैले सोधेको भए? के गौतमबुद्धले कुनै उद्देश्य बोकेर हिँडेका थिए ? उद्देश्य भनेको– हाँसिल गर्नु, प्राप्त गर्नु, लिनु हो । गौतमबुद्धले जीवनमा केही लिएनन्, बस दिए मात्र । त्यसैले, जीवन- लिनु हैन, दिनु मात्र हो । कुनै फाईदाजनक उद्देश्य बोक्नु त व्यापार भयो, जीवन त अपार छ । त्यसर्थ, जीवनको एउटै आफ्नै ध्यय भनेको– ध्यान, अध्यान र विज्ञानद्धारा स्वयं आफूले आफैलाई आविष्कार गर्नु हो ।
