ऊ अघि अघि । म पछि पछि ।
आउछ । लान्छ । जान्छ ।
दुःख दिन्छ । रुवाउछ ।
चोट दिन्छ । दुखाउछ ।
प्यार दिन्छ । छुटाउछ ।
खुसी दिन्छ । लुटाउछ ।
भाग्य दिन्छ । फुटाउछ ।
याद दिन्छ । चुटाउछ ।
त्यसैले,
वैगुनि समयको नामबाट
नयाँसालमा म शुभकामना बाड्दीन ।
मलाइ माफ गर्नुहोला ।।
© SatBhim
मेरा बाले पनि
कयौ युद्ध लडेका थिए ।
भोकसँगको युद्ध ।
शोकसँगको युद्ध ।
टारमा बाझो बारीसँग ।
उकालीमा भारीसँग ।।
तर कहिल्यै जीतेनन् ।
हारलाई हार मानेनन् ।
युद्ध लडिरए । घामसँग ।
पानीसँग । बताससँग ।
युद्ध लड्ने क्रममा
एउटा भयानक युद्ध लडे
मृत्युसँग–अन्तिम युद्ध ।
लड्दा लड्दै मरे ।
मर्न त मरे तर
न त शहीद भए
न त कमाण्डर कहलीए ।
गरिबीसँग लड्दा लड्दै
उपचार खर्च नभएर
प्याकप्याकीदै,छटपटिदै
तुलसीको मोठमा
मृत्युसँग अन्तिम युद्ध लडे ।
लड्दा लड्दै मरे ।
हाँसी हाँसी मरे ।।
मृत्युसँग लड्न र
मर्न सीकाएर मरे ।
तर मेरा बा शहीद भएनन् ।
कमाण्डर कहलीएनन् ।
© SatBhim
जब मेरो मसँग भेट भयो, तब संसारका सबै तिर्सनाहरू, चाहनाहरू र आकर्षणहरू विस्तारै मर्दै गए। आत्मासँगको यो साक्षात्कार कुनै साधारण घटना भने होइन...
